Кугарня газетыште тыршеныт


Абукаев-Эмгак Вячеслав Александрович


«Кугарняште» ... ийлаште тыршен. Тудо 1959 ийыште Пошкырт кундемысе Мишкан районеш шочын. Колхозник-влакын эргышт Чорай кыдалаш школ деч вара 1980 ийыште Марий кугыжаныш университетым тунем пытарен. Туддеч вара шуко жап республикысе печатьыште тыршен: «Ямде лийыште!», «Ончыкышто», «Вперёд» газетыште (Оршанке район), «Пионер йӱк» журналыште, марий книга издательствыште. Марий писатель ушемыште литераурный консультат лийын. М.Шкетан лӱмеш драмтеатрыште литератур отделым вуйлатен. Россий писатель ушем член. Ятыр книган авторжо.


Байгузин (Байгуза) Юрий Владимирович


«Кугарняште» 1990-91 ийлаште тыршен.
Тудо 1959 ийыште Мишкан районышто шочын. Колхозник ешыште кушкын. Кугу Соказа кыдалаш школ деч вара МарГУш тунемаш пурен, но ик ий гыч Горький лӱмеш литературный институтыш куснен. ВЛКСМ марий обкомышто тыршен, «Ямде лий» газетыште фотокорреспондент лийын, «Пионер йӱк», «Ончыко» журналалште тыршен. Вара эреак М.Шкетан лӱмеш марий драмтеатрыште режиссёрын ассистенше лийын. 2004 ийыште илыш дене чеверласен.


Иванова Екатерина Ивановна


Морко районысо Весьшӱргӧ ялеш 1975 ии 25 июньышто шочын. Весьшӱргӧ пеле кыдалаш школым тунем пытарен. Роҥго кыдалаш школышто тунемын. МарГУ-м 1998 ийыште тунем лектын. «Кугарня газетыш 1999 ийыште пашам ышташ пурен. Кызыт «Пенсионер – Ваш друг и советчик» и «Семейная газета» редакцийыште тырша.


С.И.Иванов




У Торъял районын эргыже. 1973 ийыште шочын. Тошто Торъял кыдалаш школ деч вара Марий кугыжаныш университетысе историй да филологий факультетыш тунемаш пурен. Вуз деч вара «Марий Эл» газет редакцийыште тыршен. 1997 ий июньышто Марий Эл Республикын Президентшын администрацийжын информаций управленийжын да пресс-службын консультантшылан шогалтеныт. «Кугарня» газет редакцийыште 2001 ий февраль гыч 2002 ий март марте директор-тӱҥ редакторлан пашам ыштен.


В.М.Семёнов


Шернур районын эргыже. 1966 ийыште шочын. Марий кугыжаныш университетысе историй да филологий факультетыште шинчымашым пойдарен. Районысо «Призыв», «Марий коммуна» газетлаште, Марий радиошто корреспондентлан тыршен. «Кугарня» газетыште 1992-2001 ийлаште тыршен. Правовой йодыш дене пашам ыштен. «Омса вес велне», «Могай ме улына» да моло лаштык-влакымат ямдылен шоген.


Г.Ф.Гордеев


Параньга районын эргыже. 1960 ийыште шочын. Куракинысе кыдалаш школым тунем лектын. Кӱшыл шинчымашым Марий кугыжаныш университетысе историй да филологий факультетыште налын. «Пионер йӱк» журналыште, «Марий Эл» газетыште, Марий телевиденийыште пашам ыштен. Марий самырык театрын драматургшо. «Омса вес велне» ойлымаш да повесть-влак книган, лу утла пьесын авторжо, нунын кокла гыч ожнысо илыш трилогий. «Чоныштем илет» икымше марий киносериалын авторжо. «Кугарняште» газетын шочмо тӱҥалтыш ийлаштыже пашам ыштен. Общественно-политический йодыш дене редактор лийын. Кугыжаныш премийын лауреатше.


С.Н.Эсаулова


У Торъял районысо Чӱксола ялыште 1954 ийыште шочын. Поселкысо кыдалыш школым тунем пытарен да туштак пений ден рисований предметлам туныктен. Кӱшыл шинчымашым Москвасе М.Горький лӱмеш литературный институтышто налын. 1991 ий гыч Россий писатель ушем член. Кум почеламут сборникын авторжо. «Кугарня» газетыште отдел редактор семын пашам ыштен. «Мер-политик илыш» лаштыкым ямдылен шоген.


Александр Саликович Абдулов




1960 ий апрельыште Пошкырт кундемысе Кугу Соказа ялеш шочын. Ик ияш улмыж годым ешыже ты районысо Арзаматыш илаш куснен. А.С.Абдулов – журналист, мер деятель. Верысе школ деч вара 1978 ийыште Йошкар-Олашке Марий пединститутыш тунемаш пураш толын. Руш да марий йылме ден литератур отделенийыш экзаменым сдатлен. Институт деч вара тышанак кодын, физико-спортивный лицейыште пашам тӱҥалын. Тушто тылзе ыштымек, армийыш налыныт. Служитлен толмек, «Марий коммуна» газетыш логалын, тушеч вара комсомол обкомыш куснен, вара Марий Эл Правительствыште, Марий телевиденийыште ыштен. 1990 ийла тӱҥалтыште «Кугарня» газетым почмаште тыршен, икымше вуйлатышыже лийын, ныл ий ты коллективым вуйлатен. Ик жап гыч адак «Марий коммуныш» (ынде тудо «Марий Эл» маналтеш) пӧртылын. Кызытат туштак тырша. 2000 ийыште РФ Президент пеленсе кугыжаныш службо академийыште аспирантурым тунем лектын. Историй наука кандидат. «Оньыжа» брошюрын авторжо. Ӱстел теннис дене модаш, книгам лудаш, мончаш пураш йӧрата.


Зоя Александровна Тимофеева (Зоя Висвис)


1966 ий 31 августышто Морко районысо Ӱшӱттӱр ялыште шочын-кушкын. Изи Кугунур кыдалаш школым тунем пытарымеке, Н.К.Крупская лӱмеш Марий кугыжаныш пединститутысо филологий факультетыште шинчымашым нӧлтен. 1996-2005 ийлаште «Кугарня» газет редакцийыште тыршен. Тӱҥалтыш жапыште «Школ илыш», «Оҥго», «Ужар лышташ» лаштык-влаклан вуйын шоген, вара рекламе пашам виктарен. Кызыт З.Тимофеева – «Бизнес в Марий Эл» рекламе газетын учредительже ден редакторжо.


Владимир Никифорович Козлов




1960 ий 1 январьыште Волжский районысо Шемъер ялыште шочын-кушкын. Сотнур кыдалаш школышто, МарГУ-со историй-филологий факультетыште, Москосо М.Горький лӱмеш литературный институтышто шинчымашым нӧлтен. 1994 ий гыч «Кугарня» газетысе тӱҥ редакторын алмаштышыже лийын, 1997-1998 ийлаште тӱҥ редактор сомылым шуктен. Кызыт В.Колумб лӱмеш рӱдер-тоштерым вуйлата.


Лидия Васильевна Семёнова




1962 ий 27 ноябрьыште Морко районысо Шеҥше селаште шочын-кушкын. Шеҥше кыдалаш школым тунем пытарымек, МарГУ-со ИФФ-н марий отделенийыштыже «журналистика» специальность дене тунемын. Пытарымеке, «Филолог. Преподаватель русского языка и литературы, марийского языка и литературы» специальностьым налын. «Кугарня» газетыште 1992 ий 24 август гыч пашам ышташ тӱҥалын, 1993 ий 1 февраль гыч отделын редакторжын сомылжым шуктен. Вара «Ямде лий» газетышке куснен, тушто тӱҥ редакторлан тыршен. А 2002 ий 12 март гыч 2003 ий 29 июль марте «Кугарня» газетын тӱҥ редакторжылан пашам ыштен. Кызыт – «Ямде лий» ГУКП-н директоржо-тӱҥ редакторжо. «Кугарня» газетыште пашам ыштымыж годым Лидия Васильевна «Ӱдырамаш тӱня», «Школ илыш», «Могай ме улына», «Илет-шӱлет, марий ял?» лыштык-влакым вӱден.


Михаил Иванович Матвеев


1970 ий 4 январьыште Советский районысо Кугунур ялеш шочын-кушкын. Шеҥше кыдалаш школым тунем пытарымеке, Марий кугыжаныш университетын историй ден филологий факультетыште шинчымашым поген. «Кугарня» газет коллективыш визымше курсышто шинчымашым погымыж годым ушнен. Тыште 1993-1994 ийлаште тыршен. «Омса вес велне», «Самырык суртоза», «Спорт» лаштык-влакым вӱден. Кызыт М.Шкетан лӱмеш Марий драмтеатрыште администраторын сомылжым шукта.


Ю.П.Русанов


Морко районын эргыже. 1968 ий 15 майыште шочын. Зеленогорскысо кыдалаш школ деч вара Марий кугыжаныш унивесртитетын историй да филологий факультетышкыже шинчымашым поген. Марий радион редакторжылан, М.Шкетан лӱмеш Марий драмтеатрын директоржын алмаштышыжлан тыршен. 1991-1996 ийлаште «Кугарня» газетыште корреспондентлан, отдел редакторлан ыштен. «Мер-политик илыш», «Йодыш-вашмут» да моло лаштыклам вӱден.


Иван Аркадьевич Андреев


Волжский район, Корамас кундемын Пезмучаш ялже гыч. «Кугарня» газет редакцийыште 1993 ий 30 апрель гыч 28 август марте тӱҥ редакторын алмаштышыжлан пашам ыштен. «Марий йӱла», историй дене кылдалтше «Шочмо кундемна» лаштыкым луктеден. Тылеч ончыч МарНИИ-ште археологий да этнографий секторын научный сотрудникше лийын. Кызыт - Марий Эл Республикысе тӱвыра, печать да национальность паша шотышто министерствын печать управленийжым вуйлатыше алмаштышыже.


Евгений Витальевич Чашкин


Марий Турек кыдалаш школым тунем пытарен. Районысо «Сельхозтехника» объединенийыште слесарьлан пашам ыштен. Фотографлан тунем лектын. «Кугарня» газетыш журналист сомылым шукташ толын. Ты пашам 1994 гыч 2000 ий марте шуктен. Эн ончыч журналист семын, пытартыш кок ийыштыже рекламе да коммерций шотышто тӱҥ редакторын алмаштышыже лийын. Кызыт оролымо агенствыште пашам ышта.


Геннадий Леонидович Сабанцев


Кужеҥер район, Руш Шой кыдалаш школым, вара МарГУ-м тунем пытарен. 1991-1993 ийлаште «Кугарня» газетыште тыршен, «Сылнымут алан» лаштыкым вӱден. 1998 ий гыч Россий Писатель ушемыште. 1999 ийыште Марий Эл Республикын сулло журналистше лӱмым пуэныт. Кызыт мӱндыр Чукоткышто, Певек районын райгазетыштыже, журналистлан пашам ышта.


Юрий Ильич Соловьёв




Шернур район, Марийсола школым тунем пытарен. 1992-1998 ийлаште «Кугарня» газетыште ответственный секретарьын сомылжым шуктен. 1998-2000 ийлаште «Кугарня» газетын тӱҥ редакторжылн пашам ыштен. Тыгодым «Сылнымут алан» лаштыкым вӱден. Юрий Ильичын йоча-влаклан ятыр ойлымашым, повестьым книгалашке чумырен луктын: «Пиалан кайык еш» (1994), «Кӱрен коман тетрадь» (1997), «Оҥго» (2000), «Пылыш молан йошкарга?» (2001).


Алексеев Иван Иванович




Волжский район, Сотнур школым тунем лектын. МГПИ-ште шинчымашыжым пойдарен. 1975 ий гыч – журналистикыште. «Кугарня» газетыш 1994 ий декабрьыште толын да 1997 ий май марте тӱҥ редакторлан пашам ыштен. «Мер-политик» лаштыкым ямдылен, тыгак марий калык да краеведений йодышла дене статья-шамычым возен. Кызыт - «Марий Эл» газетын тӱҥ редакторжын алмаштышыже. 1996 ийыште Марий Элын сулло журналист лӱмым пуэныт.



Статьи

2008-2009 © Кугарня газет Газета в Марий Эл. Все права защищены. Увер йолва